هيومن رايتس ووتش: رژێما ئەسەد ل ناڤچەیێن ل هەڤهاتنێ د گرتن وبنچاڤكرنێ دە بەردەوامە
آرك نيوز..رێخستنا هیومن رایتس ووچ رژێما ئەسەد ب ئەنجامدانا بنپێكرنان ل ناڤچەیێن كو ل هەڤهاتن ل سەر هاتیە كرن ئانگۆ ناڤچەیێن كو دوبارە كەتنە بن كۆنترۆلا رژێما ئەسەد دە ئەنجام ددە .
د راپۆرتەكێ دە رێخستنا هیومن رایتس ووچ راگەهاند كو لقێن ئەولەهیا رژێما ئەسەد بەردەوام ل ناڤچەیێن كەتنە بن دەستێ رژێما ئەسەد دە هەلمەتێن گرتن وبنچاڤكرنێ دە ل دژی وەلاتیان بەردەوامە , ئەوژی پشتی كو رژێما ئەسەد ل سەر رێكەفتنا ل هەڤهاتنێ ئیمزە كریە .
هەروەها رێخستنا ناڤبووری گۆت كو ل دەرعایێ وغووتەیا رۆژهلات 11 حالەتێن گرتن وبنچاڤكرنێ هاتنە تۆماركرن , ودازانین كو رێخستنێن خوەجهی یێن سووریێ ئەشكەرەكرنە كو ژ مەها هەشتان یا سالا 2018 ان ڤە 500 حالەتێن گرتنێ وبنچاڤكرنێ ل سەر دەستێ رژێما ئەسەد هاتنە تۆماركرن
رێڤەبەرا كاروبارێ رۆژهلاتا ناڤین د رێخستنا هیومن رایتس ووچ دە گۆت تەڤی ب داوی هاتنا شەر ل بهترا ناڤچەیێن سووریێ , لێ هینا رژێما ئەسەد دسیاسەتا گرتن وكوشتن وبنچاڤكرنا ئەندامێن ئۆپۆزسیۆنێ دە بەردەاومە.
هەروەها رێڤەبەرا كاروبارێ رۆژهلاتا ناڤین گۆت رژێما ئەسەد گەلەك سۆز دان كو ئەوێ پابەندیێ ب رێكەفتنا ل هەڤهاتنێ بكە , لێ د راستی لقێن ئانگۆ فرعێن ئەولەهیا رژێما ئەسەد د سیاسەتا خوە بەردەوامە , وتو بابەندی ب رێكەفتنا ل هەڤهاتنێ نەكریە.
د راپۆرتا خوەدە رێخستنا هیۆمن رایتس ووچ داخواز ژ رژێما ئەسەد كر كو د ب لەزگینی گرتیان سەربەست بەردە , وداخواز ژ رۆسیا كر كو فشارێ ل رژێما ئەسەد بكە داكو هەلمەتێن گرتن وبنچاڤكرنێ راوەستینە .
ل گۆری راپۆرتا رێخستنا ناڤبووری كەسێن بنچاڤكری ل هەمبەر وەرگرتنا بەرتیلێ , ویان ژی ب تەدخولا پۆلیسێ لەشكەری یێ رۆسی تێنە سەربەست بەردان.
حەفتیا بووری ژی 8 ریخستنێن ناڤدەولەتی و سووری كو رێخستنا لێبووریا ناڤدەولەتی , هیومن رایتس ووچ د ناڤ واندە بوون داخواز ژ جڤاكا ناڤدەولەتی كرن كو فشارێ ل رژێما ئەسەد بكن داكو چارەنڤیسا ب دەهان هەزار گرتی وەرە خویاكرن .
ز.ح
320
