رژێما ئەسەد وێ ژمارەیەك ناڤچە بۆ گرووپێن چەكدار ڤەگەرینە

آرك نيوز...پشتی كو رژێما ئەسەد ئێریشێن خوە ل سەر ناڤچەیێن دبن دەستێ گرووپین چەكدار دە ل ئدلب وحەمایێ زێدە كرن , وكاری ناڤچەیەنە گەلەك كۆنترۆل بكە , بریارە ژ تەڤایا وان ناڤچەیان ڤەكشە ورادەستی گرووپێن چەكدار بكە .

مالپەرا العربیە ئەشكەرەكر ریكەفتن ناڤبەرا توركیا ورۆسیا هاتیە كرن كو دڤە رژێما ئەسەد ژ تەڤایا وان ناڤچەیێن ل ئدلب وحەمایێ كۆنترۆل كرنە ڤەكشە , ووان ناڤچەیان رادەستی گرووپێن چەكدار بكە .

وەكە مالپەرا ناڤبووری دایەزانین رژێما ئەسەد ورۆسیا دبن فشارا توركیا دە ئێریشێن خوە ل سەر ناڤچەیێن كو ل گۆری رێكەفتنا سووچی رێكەفتنا راوەستاندنا شەر وئەو دەڤەر ببە دەڤەرەكە بێ چەك ل سەر هاتبوو كرن راوەستاندن .

هەروەها مالپەرا العربیە ئەشكەركر كو توركیا ل حەمایێ پشتەڤانیا لەشكەری بۆ گرووپێن چەكدار پێشكێشكر , و د هەمان دەمێ دە توركیا كاروانێن لەشكەری كو ژ تانك وزەریپۆشان پێكدهات شاندنە ناڤچەیا كو شەر لێ تێ كرن .

مالپەرا العربیە گۆتژی كو رژێما ئەسەد هەول دا تەڤایا ناڤچەیێ كۆنترۆل بكە , وئەو چەند بەروڤاژیێ رێكەفتنا ناڤبەرا توركیا ورۆسیا دە هاتی كرن , وهەروەها رژێما ئەسەد هەول دا رێكەفتنا ناڤبەرا توركیا ورۆسیا دە تێك بدە , ود دەستپێكێ دە رازی نەبوو ئێریشێن خوە راوەستینە , وبەردەوام پێشڤە دچوو.

وژئالیێ خوەڤە ژی نەتەوێن یەكگرتی د جڤینەكە ئاوارەتەیا ئەنجوومەنا ئەولەهیا ناڤدەولەتی دە هۆشداریا ئەنجامدانا كارەساتێن مرۆڤی ل ئدلبێ دا , ئەگەر رژێما ئەسەد دئێریشێن خوەدە بەردەوام , وداخواز ژ رۆسیا كر كو فشارێ ل رژێما ئەسەد بكە داكو د زووترین ئێریشێن خوە راوەستینە .
ز.ح

317