ل بەرامبەر ئازادكرنا وەلاتیەك عەفرینێ گرۆپەك چەكدار 100 هەزار دولار دخوازە

دزین ، تالانكرن ، شەوتاندنان زەڤیێن مللەتێ كورد ل هەرێما عەفرینێ، كوشتن ، رەڤاندنا وەلاتیێن كورد ل عەفرینێ و ئەشكەنجەكرنا وان ژ ئالیێ گرۆپین چەكدار ڤە ل عەفرینێ وخوەستنا گوژمین پەرا ل همبەر ئازادكرنا وان بوویە سیمایێ رۆژیێ ودیاردەیا هەر رۆژ ل عەفرینێ .

ژ بەریا نەه رۆژان (13.5.2019)، دەما كو وەلاتیێ كورد محمد حمید خلیل(40) دگەل كورێ خوە محم خلیل یێ (9) سالی خوەستن بچن باژاری أعزازێ ژبۆ وەرگرتنا چارەسەریێ ، ژبەر كو ناڤبووری نەخوەش بوو و هەروها كوریێ وی ژ خوە سەروچاڤێ وی شەوتی بوو. لێ ژ وێ رۆژی ڤە بێ سەرۆشۆنن.

ژ ئالیێ خوە ڤە ، هەڤژینا وی ، د خوەست ریێا دەزگەها ئارگ یا رۆژنامەڤانیێ رە ، هەوار خوە بگهینە ئالیێن پەیوەندی دار رێخستنین مافێن مرۆڤان دا كو چارەنڤیسا هەڤژینێ وێ و كوریێ دیار بكە.

هەڤژینا وی دا زانین ، هەتا ڤێ گاڤێ چارەنڤیسا هەڤژینێ وێ نەدیارە و نە ژی یا كورێ دیارە ، وترسا وێ ئەوە كو تشتەك ل هەڤژینێ وێ هاتبە، ژبەر كو ئەو نەخوەشە ب نەخوەشییا شەكر.

گرۆپەك چەكدار سێ وەلاتیێن باژارۆكێ جندێرسێ یێ ب سەر عەفرینێ ڤە رەڤاندنە و ل بەرامبەر ئازادكرنا هەر یەك ژ وان سەد هەزار دۆلار دخوازە.

ژێدەركێ نیزیكی ژ مالباتێن وان ژبۆ دەزگەها ئارك گۆت، شرف الدین سیدو و رشید حمید خلیل چل سالی و كوری وێ محمد خلیل یێ نەه سالی ژ گوندێن بیلیێه سەر ب ناڤچەیا بلبلێ ڤە ونشتەجیێن باژارۆكێ جندێرسێ نە ژ ئالیێ گرۆپەك چەكدار ل باژارێ اعزازێ هاتنە رەڤاندن و وێ گرۆپەك داخواز ژ هەڤژینا شرف الدین سیدو كرییە كو سەد هەزار دۆلار ل همبەر ئازادكرنا وی بدە.

ومالباتێن وان رەڤاندنێن خەلكێ عەفرینێ، داخوازا ئازادكرنا وان دكە و دبێژن چ شیانێن وان تو نە یە كو ڤێ گوژما پەرەیان پەیدا بكە.

ر.ع

310