بشار امین: پەیەدێ ب ڤێ بریارا خوە جووتیارێن كورد ژ كارێن وان بێ زار دكن

دەم سالا چاندنیێ (گەنم ، جه، نیسك و بیقیا) ل كوردستانا سووریێ هات، لێ پەیەدێ ورێژیما سووریێ هەریەك ب نرخەكی پێشوازی ل ڤێ دەم سالێ كرن، ونرخێ جوودا جوودا ژبۆ بەرهەمێن جووتیاران دانین.

ژبۆ گەنم رێژیمی (185) هەزار لێرەیێ سووریێ ئانگۆ (324.5) دولار و نیڤ ژبۆ هەر تۆنەكێ دیار كرییە و پەیەدێ ژ ئالیێ خوە ڤە ژی (150)هەزار لێرەیێ سووریێ ئانگۆ(263) دولار ، و دەم سالا بووری نرخێ هەر تۆنەكی گەنم ل جەم رێژیم و پەیەدێ (389) دولار بوو.

ئەڤ مژار بوو جهێ رەخنەیێن چالاكڤان و سیاسەتمەدار و پسپۆرێن ئابووریێ د تۆرێن جڤاكی دە، ومینا كارەكی پاوانكاری ئانگۆ ئیستغلال ب ناڤ كرن.

هەر د ڤێ دەربارێ دە، ئەندامێ پۆلیت بیروویا پارتیا دەمۆكراتا كوردستان – سوریا ، بشار امین ، ل سەر ئاكاونتێ خوە د تۆرا جڤاكی فێسبۆكێ ، رەخنە ل ڤێ بریارێ گرتییە و وها نڤیسییە، گەلۆ ما نە ژیان و رەوشا مللەتێ كورد وجڤاكا مە ب تایبەتی ل هەرێما جەزیرێ ل سەر چاندنیێ راوەستییە؟

ما جوتیار وكاركەرێن كورد بدرێژاهییا سالیێ هێڤییا ڤی بەرهەمینە دا كو بەردەوامیێ ب ژیانا خوە بدن؟

ژبەر چ ئەڤ هەمی نەهەقی و نە دادپەروەری دەرهەقێ بەرهەمێن جووتیاران دە؟

ژبۆ چ ئەڤ فەرق و جووداهی دناڤبەرا نرخێ بەرهەمێن جووتیاران دە، ئانگۆ نرخێن فەرمی و نرخێ مینا باج و ئەتاوە ب سەر خەلكێ دە تێن سەپاندن، گەلۆ ما ئەڤ تشتە هنەك نە مەبەستدارە دا كو كەسیێن قوربانی دەر وزەرەمەند ژ وەلیت باز بدن، وكۆچبەر ببن؟ ما نە گەرەكە جارەكی دن خودان دەستهلات وبریار بدەست ل ڤێ بریارێ ڤەگەرن و ڤێ جووداهییا دناڤبەرا نرخێ رێژیمێ دیاركری و یێ پەیەدێ دیار كری نەهێلن؟

گەلۆ ما نە ئەڤن بریارێن قەرەقۆشی كو دهێلە فوضی و تەڤلهەڤی ل جەم وەلاتیان پەیدا ببە؟ ما نە گەرەكە جهێ ڤێ بریارێ ونرخێ ، نرخەك پێشبركی هاندەر دیار كری با ل جهێ ڤێ بریارا هۆڤانە؟

ژ خوە دڤیا ولاتی ئازاد كری بان ژبۆ كرین و فرۆشتنێ دا كو باوەریا وان ب دەست ڤە ئانی بان ؟

دڤییا ئالیێن پەیوەندیدار ل سەدەمێن ئەولەهییا خوارنێ و بژێوا ژیانێ وپێدڤیێن وێ بكۆلینا ل جهێ خولقاندنا بێ هیڤی و بێ ئۆمیدیا ژیانێ د گەل خەلكێ مە ، گەلۆ ئەڤ تشتێن دكن و ئەڤ كریارنە هەمی ژبۆ چ ؟ خزمەتا كێ دە نە ؟

ر.ع

301