پ ی د نرخێ یەك تەن گەنم 126 دولار ژ سالا بۆری كێمتر كر

پ ی د نرخێ یەك تەن گەنم 126 دولار ژ سالا بۆری كێمتر كر

May 21 2019

ل رۆژئاڤایێ كوردستانێ هن بهن وەرزێ بەرهەمئینانا بەرهەمێن چاندنیێ و بتایبەت گەنم نێزیك دبە، چۆتكار ژی ناڤبەرا نرخێ كێم یێ فرۆشتنا بەرهەمێن خوە كو ژ ئالیێ پەیەدێ ڤە هاتیە دەستنیشانكرن، و بوهابوونا تەكلیفەیێن بەرهەمئینانێ بیچارە مانە، ئیسال ژی پارتیا یەكیتیا دیموقراتیك نرخێ كرینا یەك تەن گەنم ژ جۆتكاران ل ناڤچەیێن ژێر كۆنترۆلا خوە دە 126 دۆلاران ژ سالا بۆری كێمتر كریە.

رێڤەبەریا پەیەدێ بەریا دوو رۆژان نرخێ كرینا یەك تەن گەنم د وەرزێ ئیسال دە ژ چۆتكاران ب 150 هەزار لێرەیێن سووریێ دەستنیشان كر، كو د وەرزێ سالا بۆری دە نرخێ كرینا یەك تەن گەنم ب 175 هەزار لێرەیی دەستنیشان كربوو.

ب بەراوەردیەكێ ب دۆلارێ ئەمریكی ناڤبەرا ئیسال و پار دە، و ب بەرچاڤبرنا نرخێ یەك دۆلارێ ئەمریكی ناڤبەرا ئیسال و پار د هەمان دەمێ سالێ دە، تێ دیاركرن كو پەیەدێ نرخێ كرینا یەك تەن گەنم ژ سالا بۆری 126 دۆلاران كێمتر كریە، ئەو ژی ب ڤی شێوەیی:

وەرزێ سالا 2018ان
یەك دۆلارێ ئەمریكی 450 لێرەیێن سووریێ بوو
نرخێ كرینا یەك تەن گەنم ب 175 هەزار لێرەیێن سووریێ بوو ، واتە 389 دۆلارێن ئەمریكی

وەرزێ سالا 2019ان
یەك دۆلارێ ئەمریكی 570 لێرەیێن سووریێ یە
نرخێ كرینا یەك تەن گەنم ب 150 هەزار لێرەیێن سووریێ هاتیە دەستنیشانكرن ، واتە 263 دۆلارێن ئەمریكی

ئانگو ژ سالا بۆری بۆ ئیسال ژ 388 دۆلار داكەتیە 263 دۆلاری واتە 126 دۆلاران نرخێ كرینا یەك تەن گەنم ژ چۆتكاران كێمتر بوویە.

ل گۆری رێڤەبەریا چاندنیێ یا رێژیمێ ل حەسەكێ كو ئیسال گەنم و جەه ل ناڤچەیا جزیرێ بقاسی نەهسەد و دەه هەزار هكتاری هاتنە چاندن و تێ پێشبینیكرن كو ئیسال هەشسەد و پێنجی هەزار تەن گەنم و مەلیۆنەك و سەد و پێنجی هەزار تەن جەه وەرە بەرهەمئینان.

616